Mela

Mela laga hua hai,Samaan bik raha hai
Insaan ka imaan sare aam bik raha hai.

Yahan Dharm bik raha hai
Yahan Naam bik raha hai
Hindu, Isaai,Sikh, Musalman bik raha hai
Are sabse saste daam to bhagwaan bik raha hai
Mela laga hua hai, samaan bik raha hai...

Yahan sale mein kafan hai
Lakdi ke daam kum hai
Shamshaan mein bhi aaj kal jagah ke daam kum hai
Yahan installment mein shraadh ka samaan bik raha hai
Mela laga hua hai, samaan bik raha hai.

Yahan Naukri bik rahi hai
Yahan degree bik rahi hai
Yahan dil, liver, aankh aur kidney bik rahi hai
Yahan pyaaz bhi sone ke daam bik raha hai
Mela laga hua hai,samaan bik raha hai.

Yahan farz bik raha hai,
Yahan pyaar bik raha hai
Sansaar ka har ek yahaan samaan bik raha hai
Are aur kisi ki nahi ye topiwaalon ki hai karamaat
Paakistaaniyon ke haath Hindustaan bik raha hai
Mela laga hua hai,samaan bik raha hai..

Written By
Anubhuti Srivastava

(I wrote this one when i was in 9th Standadrd)