Kuch khushiyo ka saath thoda hota hai
Par ye bhi to sach hai
ki har raat ke baad,Savera hota hai..

Meri iss soch ko kuch log
Philosophy batayenge
Par agar sapne hi nahi dekhenge
to kaise unhe poora Kar paayenge

Haan maanti hu ki har sapna poora nahi hota
Magar Kya itna khoobsurat lagta chaand
Agar adhoora nahi hota

Koshish kar, umeed rakh
Ye waqt bhi kat jaayega
Manzil mile ya na mile
Ye safar hamesha yaad aayega

Written By
Anubhuti Srivastava

Maa

Maa tumse iss jeevan ke, har pehlu mein kitna seekha
Tumse Hasna, tumse padhna, tumse Maine chalna seekha
Har mushkil daur mein tumko tap kar
Bante hue sona dekha
O Maa tumse iss jeevan ke har, pehlu mein kitna seekha

Har daur mein tumne badla khudko
Aur samey ke sang dhalna seekha
Tumse maine gir jaane par
Khud hi uth kar chalna seekha
O Maa tumse iss jeevan ke, har pehlu mein kitna seekha

Maan hai kya, abhimaan hai kya
Ache bure ki pehchan hai kya
Karuna hai kya, mamta hai kya
Mere andar chamta hai kya
Krishna hai tu arjun hu mai
Humne ishwar tum mein dekha
O maa tumse iss jeevan ke har pehlu mein kitna seekha